1732/2022-2023

Aizawl the 27th August, 2022 : 6th Mizoram State MMA (Mixed Martial Arts) Amateur Championship 2022 chu 25-27, August, 2022 chhung khan Elite MMA & Fitness gym, Vaivakawn, Aizawl-ah neih a ni a. Kharna inkhawm vawiina neihah hian MISMA Patron Minister Pu R. Lalzirliana chu khuallian a ni.

Pu R Lalzirliana chuan Mizo ten game kan thlan thiam a ṭul a tih thu leh MMA hi mizote tana ṭha nia a hriat thu a sawi a, MISMA chu sorkar puihna tel lova ṭhalaite an promote vangin lawmawm a tih thu a sawi a ni.

MISMA President Pu Jeremy L. Pautu chuan ṭhalaite theih tawpa ṭang a, ruihhlo laka fihlim tirin a fuih a. Regular Event lian tak tak siam chhoh zel an tum thu a sawi. Event pumpui hi Zonet lamah playback tur a ni.

Technical Chairman Samuel chuan he event hi national Championship leh Mizoram Fight League season 5 lo awm tur atan selection a nih nghal thu a puang bawk.

He event-ah hian District hrang hrang 9 aṭangin fighter 100 vel an inlan. Junior category (kum 21 hnuai lam) leh Senior Category (kum 18 chin) inelna neih a ni a, weight category 10 ve ve a awm.  A pumpuiah Dawrpui Contact Sports (SPES gym) chuan gold medal 8, silver medal 3 leh bronze medal 4 la-in Team champion an ni a, Alpha Martial Arts & Fitness gym chuan Gold medal 4 leh Silver medal 1 lain 1st Runners up team an ni.


Tin, Gold medal 3, Silver medal 2 leh bronze medal 3 la-in Elite MMA & Fitness Gym chu 2nd Runners up team an ni ve bawk. 

H. Lalruatfela (Elite) Chu Most Promising fighter  atan thlan a ni a, Best Fighter atan Nazareth Lalṭhazuala (Alpha gym) thlan a ni. 

Category tina champion te chu hetiang hi a ni
LJunior Category:
1. Strawweight : Roddick Lalremruata Rokhum (DCS/SPES)
2. Flyweight : H. Lalruatfela (Elite)
3. Bantamweight : Lalramsanga (DCS/SPES)
4. Featherweight : JerryLalrinfela (Indiv.)
6. Welterweight  : Abraham Lalrinfela (Elite)
7.Middleweight: C. Lallawmzuala (DCS/SPES)

Senior Category:
1. Atomweight : Lalrinnungi (DCS/SPES)
2. Strawweight : Lalnuntluanga (Alpha)
3. Flyweight : Nazareth Lalthazuala (Alpha)
4. Bantamweight : Jonathan Lalduatliana (DCS/SPES)
5. Featherweight : David Lalmalsawma (DCS/SPES)
6. Lightweight : Zarmawia (DCS/SPES)
7. Welterweight: Joel Lalengmawia (Alpha)
8. Middleweight : PC Lalṭhazuala (Indiv.)
9. Lightheavyweight: Santu Mondal (DCS/SPES)
10. Heavyweight : Lalhlankima (Alpha)

Attachment

  • Loading attachment...