429/2023-2024

Dated Serchhip, the 12^th May, 2023: Vawiin khan Er. Lalrinawma, Minister, SW&TA, AH & Vety, E&ND, Sericulture Department, etc., chuan a bial chhunga Hmawngkawn leh Chhingchhip inkar kawng, MLA Fund hmanga laih that kilometer 9 a thui chu a hawng.

Minister chuan, a bial mipuite tana hmasawnna a ngaihpawimawh zual pathumte chu; eizawnna, zirna leh hriselnate a nih thu sawiin, heng kawngahte hian theihtawpain hma a la thin tih a tarlang. Khawtlang hruaitute leh mipuite inpekna zarah Hmawngkawn leh Chhingchhip inkal pawhna kawng chu hawn theih a lo ni ta, tiin vawiina an hawn tak chu mipuite inpekna vang a nih thu a sawi a. A chhiat thatah leh enkawl zuina kawngah khawtlang mipuite an pawimawh dawn hle a, mahni ta anga lo enkawl thiama lo duat hle turin a ngen a ni. Kawng tinrengah a bial mipuiten an thawhpui that avangin MLA Fund awm ang angte pawh hma an sawnpui hle nia a hriat thu tarlangin, an mamawhna kawng tinrengah inthlahrung lova hrilh hre zel thin turin mipuite a chah a ni.

Pu T. Lalrinfela, VCP, Hmawngkawn pawhin thusawiin, Hmawngkawn leh Chhingchhip inkal pawhna atana theih tawp chhuahtu bialtu MLA Er. Lalrinawma chungah lawmthu a sawi a, Hmawngkawn ei bar lakna ber kawngpui laih that a ni hi kawng tinrengin kan awlsam phah dawn a ni, a ti.

Kawng hawnna inkhawm hi Hmawngkawn Volleyball Court-ah buatsaih a ni a. Pu Lalduhsanga, Organising Chairman-in kaihruaiin Upa Lalrikhawma'n hunserh a hmang a, Pu Laltlanmawia, Secretary, Organising Committee in lawmthu a sawi. He hun hi Chhingchhip Mualpui VC leh Baktawng VC te pawh an hmanpui a ni.