4040/2022-2023

Aizawl the 30th March 2023 : Vawiin Ni 30.03.2023(Thur) hian Minister Er. Lalrinawma chuan a Department enkawl mek Social Welfare & Tribal Affairs Office-tlawh in thawktute nen inkawm khawmna hun an nei a ni.

Minister, Er. Lalrinawma chuan a department enkawl mek a thawktute hnathawh dan chu fakawm a tih thu a sawi a. Eng hna pawh thawk in nihna sang tak chelh pawh ni ila, midang tan malsawmna nih hi a hlu a ni;a ti.Department lo dawr thin te chu, mahni mihring puite hlutna hre chunga lo dawngsawng thin tur leh thawhpuite tan malsawmna nih tum zel turin a chah a.Ram leh hnam tan mi tam tak in nunna hlu tak an lo chan tawhna te chu hre reng chungin an hnathawhna ah thahnem ngai tur leh ; ram leh hnam hmangaihna rilru pu chunga theih tawp chhuah zel turin thawktute  chu a sawm a ni.

Social Welfare Department chu mipui huapzo,naute pian hma atang a kum upa an nih thleng a enkawltu an nih avangin an pawimawhna hria a, theihthawp chhuah a ke pen zel turin a sawm ani. Department-in an lo dawnsawnna ah lawmthu sawiin,bung thar kai turin thawktute a sawm nghal bawk a ni.

Minister in Department-a tlawh puala inkawmna hi Pi Zodinpuii IAS, Director,Social Welfare & Tribal Affairs Department in kaihruaiin, Pi Zodingpuii, Jt. Director,in lawmthu sawina a nei a ni. Inkawmhona neih zawh hian Minister chuan room hrang hrangte tlawhin a fangkual nghal a ni.