Er.H.Lalzirliana, Mamit Bialtu MLA, Vice Chairman, Road & Infrastructure Development Board chuan Ni 3 - 5/12/2019 chhung khan a bial chhunga West Block khaw hrang hrang Tuirum, Khawhnai, Teirei Forest, Damparengpui, Tuipuibari, Ragivnagar, Khantlang leh Andermanik-te tlawhin Sawrkar building thenkhat, School leh hmasawnna hna thawh mekte a tlawh.

MLA hian a khaw tlawh hrang hrangah thu sawiin a bial chhung mipuite chu an mamawh hun a piangah a theihna zawn anih phawt chuan puih a inhuam reng thu a sawi a. Kan District hnu fualna, Aspirational District kan nihna point lian tak Health, Education leh Sanitation lama kan hnufualna chu theihtawpchhuahin thaibo kan tum dawn a. Kan sawrkarin zirna a ngaipawimawh em em a, tun hnai lawkah pawh zirtirtu thahnem tak lak an nih thu sawiin a bial chhunga Sub- Centre nei lo khuate'n an neih vat theihna turin theihtawp an chhuah mek thu a sawi bawk.

Khawtlang hruaitute chu an enkawl an khawtlang theuh hmangaih tura chahin Sawrkar a?anga khawtlang develop-na tur lokalte chu a nihna ang taka hmang thin turin a chah a. Nakin lawka khawtlang hruaitu tur thlanna lo awm turah pawh a ngaihna hria leh khawtlang hmangaih tur thlang chhuak thiam tura chahin khawtlang hruaitute leh Sorkar Officials-te chu khawtlang hmasawnna tura lungrual taka thawkho thiam turin a chah bawk.

Inkalpawhna kawngpui chungchangah theihtawpchhuah mek zel a nih thu sawiin a bial chhûng West Block bik kawng thenkhat chu BRTF kawng enkawl a nih thu a sawi a, tunhma angin BRTF te'n pawisa leh mihring an nei tam tawk tawh lova, theihtawpchhuahin kan Chief Minister zahawm tak hoin Mizoram PWD enkawl tura hmalak mek a nih thu a sawi.

Mamit bialtu MLA hi a bial chhung khaw hrang hrangah khawtlang mipuite'n an lo lawm a. Khawtlang mamawh hrang hrangte an lo thlen  bawk a ni.

Bialtu MLA hi Sorkar Officials leh khawtlang hruaitute'n an tawiawm a ni.

Attachment

  • Loading attachment...