Nimin tlai khan Lunglei DC Pi K. Lalrinzuali, kaihhruainain   ama Office Chamber-ah Christmas leh Kumthar vuakveta venhimna kalpui dan tur sawihona meeting neih a ni. Meeting-ah hian Police hotute, Magistrate-te I&PR bakah YMA Sub Hqrs, MUP, MHIP leh VC Association hruaitute an tel ani.

Lunglei DC Pi K. Lalrinzuali'n November ni 19, 2019 ah thupek alo chhuah tawh angin Halpuah, Halmawi leh puak thei thil dang, boruak tha lo siam thei leh ri bengchheng siam thei  chi reng reng Lunglei District-a lakluh,zawrh,hralh,hal leh hman khap tlat a ni a.  Naupang Silai lem a mu hmang chi reng reng zawrh leh hralh khap tlat a ni bawk. Lunglei District mipuiten hriselna tha tak kan lo neih theih nan leh Krismas leh Kumthar hlim tlang tak leh thlamuang taka kan hman theih nan Pi K. Lalrinzuali  chuan he thupek hi khauh taka bawhzui ngei a nih tur thu meeting ah hian a tarlang a. Hemi kawnga hmalakna ah hian khawtlang hruaitute, tlawmngaipawl aiawhte leh Lunglei District mipuite thawhho puiah sawmin mahni zawn theuha hma la turin a ngen a ni. Christmas leh Kumthar vuakveta venhimna dan leh thupek kengkawh tur hian Magistrate  an duty tur thu a tarlang bawk. BSF leh AR ten civil mite hnenah halpuah leh zu pe chhuak lo tura ngen tura tih ani bawk.

Pu C. Lalthanmawia, SP, Lunglei chuan Christmas leh Kumthar vuakveta venhimna kalpui tura ruahmanna an siam tlangpui te sawilangin YMA Sub Hqrs Lunglei te nen chak taka hmalak tlan an tum thu a tarlang a. Veng hrang hrang YMA Duty Post ah te Police an duty ve thin tur thu leh hunpui laia lirthei chevel te uluk taka an thlithlai tur thu a tarlang a ni.