2024/2023-2024

Mamit Dt.26th September, 2023 : Vawiin tlai khan Er.H.Lalzirliana, MLA & Vice Chairman, Road & Infrastructure Development Board chuan Mamit District Badminton Association te'n Badminton Hall-a Carpet an phah thar chu a hawng.

Er.H. Lalzirliana chuan Mamit District Badminton Association te'n an beisei leh nghahhlelh em em Carpet phah a ni ta chu a lawmpui thu a sawi a, Vantlang thil hi neitu rilru pu-a enkawltu an awm loh chuan a tlo thei lo a ni a ti. Badminton Hall-a Carpet phah thar chu Mamit District Badminton Association te chu uluk taka enkawl turin a chah a, thangthar lo la awm zel tur te'n infiamna hmanraw tha an neih zel theihna tura sulsutu a tang zel turin Badminton Association hruaitute hi a chah bawk a ni.

Mamit Badminton Hall hi Kum 1984 khan sak a ni a, Hall sak a nih theihna tur hian mi thahnemngaite'n India Prime Minister Pi Indira Gandhi hnena an dil a tanga sak a ni a. Hall sak nana hmanraw tulte pawh Tlawng Lui a tangin Tut Luiah Phaizau khua thlen niin headload in Mamit khua-ah hian lak luh a ni.

Mamit District Badminton Association hi Kum 2004 ah din a ni a. Club sawm lai awmin, Badminton Hall-ah hian Kum 1992 a tang khan Tournament neih tan a lo ni tawh a ni.

Carpet hawn programme hi Pu C.Lalrammawia Vice President MDBA in a kaihruai a, Upa H.Vanlalhruaia'n tawngtaiin Pathian hnena hlanna a nei a ni.