No.4369/2021-2022
Aizawl, 23rd March 2022 : Nimin khan Tuikum Bialtu MLA leh Dy.Speaker ni bawk Er.Lalrinawma chuan Covid-19 hripuiin a luh chhilh mek Hmawngkawn khua tlawhin tanpuina a pe.
BNRGSK Hall a an inkawm honaah Er.Rinawma chuan, hrileng lakah hian engtikah emaw chuan kan la fihlim ngei ang tih beiseiin; tunah kan khawtlang min luhchhilh mekah a tawrh dan thiam a pawimawh hlea a hriat thu a sawi a. A invenna kawngah pawh tha thlah lova kan beih zel a tul hle a ni, a ti. VLTF te leh Health lama thawktute inpeknaah lawmthu sawiin fak an phu hle a, mipuite pawhin an thute zawm thiam a tangkai hle a, thuawihna rah chu kan la seng zel dawn a ni a ti. Dy. Speaker hian 4C a awmte mamawh hrang hrang bakah pawisa fai Rs. 70000 a hlan a ni. Inkawm khawmna hun tawi neih zawh hian Covid Care Centre atana an hman mek Presbyterian Kohhran Hall leh Govt. Primary School te chu a tlawh a ni.
Hmawngkawn VLTF Chairman leh VCP ni bawk Pu T.Lalrinfela chuan Bialtu MLA in kan khawtlang a ngaihsak thinnaah lawmthu sawiin, a thilpekte chu hnuan thil mamawh tak takte anih thu a sawi a. Tun dinhmunah an khuaah mi 144 test tawhah mi 62 positive an awm mek tih a tarlang bawk.
