No.4370/2021-2022
Aizawl, 23rd March 2022 : Pu Stephen Lalrinawma, Superintendent of Police, Serchhip District chuan Serchhip Bazar Vengah Two Wheeler dinna tur siam belh anih thu a hnuai ami ang hian thuchhuah a siam.
Bazar veng, Serchhip VC huam chhung a awm Bazar area (sa zawrh na lane) hi kawngpui insuihfinna lai (junction) pawimawh a nih avangin sa zawrhna kawt Electric- ban atanga hmar lam Co-operative Society building kawt thleng(57mtrs) kawng chhak lam hi No parking Area atan puan a lo ni tawh a. Motor Parking indaih loh na avang leh lirthei alo pun chhoh zel avangin tuna dropping zone atanga sa talhna lam ft. 14(4.3mtrs) chu MV Act 1988(Act of 1988) Section 115 na leh Govt. of Mizoram Notification No.B.12021/10/2004-TRP dt. 01.06.2020 in thuneihna a pek angin "Two Wheeler Parking Extension Area" atan a puang a ni.
He thupek hi Dt. 22-03-2022 atanga thuleh awm hma chu hman a ni ang.
