No.4371/2021-2022
Aizawl, 23rd March 2022 : Pu Lalmuansanga Ralte, Additional District Magistrate, Serchhip District chuan ASF leh natna dang laka kan fihlim theih nan a hnuai ami ang hian thupek a chhuah.
Serchhip District chhungah vawk pulhri (African Swine Fever) vanga damlo leh thi report a awm tak loh avangin a lawmawm hle a. Chutih rualin ASF leh natna dang laka kan fihlim zel theih nan leh vawk vulhtuten harsatna an tawh lohna turin khapna thupek chhuah a tul a. The prevention and Control of Infectious and contagious Disease in Animal Act, 2009 Sec 20 leh Section 144 CrPC 1973 tlawh chhanin a hnuaia thupek hi a chhuah.
1. Ram pawn (foreign countries) atangin vawk, vawksa leh vawksa atanga thil siam reng reng lakluh phal a ni lo.
2. State pawn atanga vawk la lut turte chuan AH & Vety Department atangin phalna an lak hmasak a ngai a. Dilna form hi AH & Vety Office atangin Rs.10/- a lei tur a ni.
3. District chhung leh District dang atanga vawk la lut turte chuan Veterinary Health Certificate leh CSF Vaccination Certificate bakah tualchhung vawk ngei a ni tih VC/LC te hriatpuina lehkha an nei ngei tur a ni.
4. Vawk talhtuten vawk hrisel tha chauh an talh thin tur a ni a, vawk neituten vawk damlo an hralh tur a ni lo.
5. Vawk damlo leh thi an awm chuan AH & Vety Department Official te hnenah report vat thin tur a ni a. Vawk thi reng reng thuk taka phum thin tur a ni. He thupek hian thu leh awm hma chu Order chhuah a nih (22.3.2022) atanga thla hnih(two months) chhung a huam ang.
He thupek zawm lo chu Section 188 IPC dan hmangin hrem theih an ni ang.
