Mizoram Legislative Assembly hnuaia Estimates Committee chu an Chairman Pu Lalrinliana Sailo hovin November ni 3 leh 5 inkarah khian Chhingchhip, Serchhip leh Lawngtlai ah te an zin dawn.

November ni 3 khian Chhingchhip a Sainik School leh Bamboo Development Agency te a hmun ah kalin an hnathawh dan leh hmalak mekte an en ang a. Hemi ni vek hian Serchhip a Tourist Lodge sak mek an en bawk ang. November ni 4 a Kaladan Multi-Modal Transit Transport (KMMTT) Project a hmuna kalin ‘spot visit’ an nei ang a. November ni 5 khian Lai Autonomous District Council (LADC) official te leh DC Lawngtlai ten nen meeting an nei bawk ang.

Estimates Committee-a Member te hi Dr. Ngurdingliana, Pu Vanlalzawma, Pu T. Sangkunga leh Pu R.Lalvena te an ni. Estimates Committee hi an zin chhung hian Assembly officials te an tawiawm dawn a ni.