Under Secretary, Higher & Technical Education Department chuan Govt. J.Thankima College zirtirtu pakhat Govt. Hnahthial College-a sawn chungchanga a hnuaia ami ang hian thuchhuah a siam.
Tun hnaiah Sawrkar chuan Govt. J.Thankima College atangin zirtirtu Asst. Professor pakhat Govt. Hnahthial College ah a transfer a. He transfer order hi hun khaihlak chhung (temporary) tih a ni nghe nghe a. A chhan chu Govt. Hnahthial College ah hian kuminah History Zirtirtu pension avangin he subject ah hian zirtirtu pahnih, regular - 1 leh part time – 1chauh an awm ta a. Chutih laiin Sawrkar a part time kan dil pek kan la ni bawk si lova. Chuvangin Sawrkar chuan Govt. College, Hnahthial mamawh hi a ngai pawimawh in pek tha a ti a. Tichuan, college hrang hrang naupang zat leh zirtirtu zat te en vekin Govt. J.Thankima College, History subject ah a nghet regular hlir 6 (paruk) an awm a, zirlai zat pawh 2nd semester - 14, 4th semester - 28 leh 6th semester ah 19 an ni. Zirlai admit thar te nen pawh zirtirtu 5 tan hautak turah ngaih a ni lo. Govt. J.Thankima College zir ang chiah hi Govt. Hnahthial College pawhin an zir ve a, mahse zirtirtu pahnih chauh in an zirtir si a ni.
Heng zawng zawng thlir vekin Govt. J.Thankima College a zirtirtu pakhat chu temporary in Hnahthial ah sawn a ni a. Hei pawh hi Govt. Hnahthial College tan a part time pek kan nih hun ah sawn let leh mai tur a ni. Sawrkar chuan Pa a nih angin a theih ang ang a kan college te hi thuam a zirtirtu pek a tum a, college thenkhat a zirtirtu an buk laiin thenkhat a an indaihlo lutuk hi tha a ti lo. Indaih deuhna ami la chhuakin indaih lo zual hnenah pek a ni a, Sawrkar tih tur diktak a ni.
Zirtirtu sawn tur thlan chungchangah pawh uluk thei ang ber, seniority entel chunga chhungkaw dinhmun te pawh en tel vek a ni. Sawrkar in tul leh tha a tih anga hma a lak zirlai ten a lo do vak thin hi a pawi hle. Heng zirtirtu sawn chungchangah hian party politics engmah a in rawlh lova, college leh zirlai hmakhua thlir a tih a ni zawk. Tun a sawrkar hmalakna pawh hi thil tul leh tihmakmawh a niin college tan leh khawtlang leh ram tan that tlanna zawk tur a ni.
