Mizoram Legislative Assembly hnuaia Estimates Committee chuan Industries Department hmalakna hrang hrang Bamboo Wood Park, Zamuang, Zawlnuam; Bamboo Wholesale &Retail Market, Bungthuam; EPIP Lengte; Plant &Machinery, Chuhvel chipping unit; Bamboo Technology Park Sairang leh Venus Bamboo Sairang te chu January 23 atanga January 24, 2015 chhung hian an hnathawh dan te a hmunah en an tum.

Estimates Committee Chairman hi Pu Lalrinliana Sailo niin member te chu Dr.Ngurdingliana, Pu Vanlalzawma, Pu T.Sangkunga, Pu R.Vanlalvena leh Pi Vanlalawmpuii Chawngthu te an ni a. Anni bakah hian a kaihhnawih department official te leh Assembly Secretariat-a Official te’n an tawiawm dawn a ni. January 23 hian Aizawl chhuahsanin Mamit an pan ang a, a tuk January 24 tlai ah Aizawl lo let leh turin ruahmanna siam a ni.