4703/2025-2026

Lunglei, 2026 Vau thla ni 5: Public Health Engineering Department (PHED) Project Management Unit (PMU) leh State Institute of Rural Development & Panchayati Raj (SIRD&PR) ṭang kawp huaihawtin Lawngtlai District huam chhunga chengte tana Jal Jeevan Mission (JJM) hnuaia tui lak khawl vil leh enkawl hna (operation & maintenance) lam thawk thei tur Plumber (Nal Jal Mitra) training chawlhkar hnih awh chu Extension Training Centre (SIRD&PR) Pukpui, Lungleiah tluang taka buatsaih a ni.

Plumber training hi February ni 23 aṭanga March ni 5, 2026 chhung buatsaih niin, vawiin khan ETC Pukpuiah a kharna hun hman a ni a. SIRD&PR Director Pu R. Lalremsanga'n hun hmanpuiin, training chhuakte hnenah certificate a hlan a. Training chhuakte chu an thil zirte ṭangkai taka hmang a, ṭha taka thawk turin a chah.

Plumber training-ah hian Lawngtlai District aṭangin mi 42 telin, SIRD&PR Core Faculty Dr C. Lalthlansanga chuan training hi a pe a ni.