Vawiin khan Agriculture Minister H. Liansailova chuan Eureka Stock & Share Broking Services Ltd. chu Bawngkawn Chhim Vengah a hawng.
Hawnna inkhawm CB Thangluta kaihhruaiah Minister chuan thil kan tih reng rengin Pathian rintlaka kan tih a tul a, Mizote hian Pathian malsawmna kan dawng nasa hle a ni, a ti a. Mizote hi sum peipun kawngah hma kan la chho nasa tan hle a, hetih rual hian sawrkar sum ringa kal kan la tam hle a, sawrkar sum atanga peipun tum kan la tam hle hi chu kan sim a hun tan tawh hle a ni, a ti.
A sawizelnaah Minister chuan sum peipunna kawngah private company tam tak an rawn lut ve mek a, rintlak loh tam tak an awm thin avangin kan fimkhur pawh a tul hle a ni, a ti bawk.
Eureka Stock & Share Broking Services Ltd. hian Mizoramah bul an rawn tan ve dawn a ni a, hemi kawngah hian company agent Pu CB Thangluta chuan company rintlak tak a nih tur thu sawiin pawisa a tlakhniam leh san dan azirin kan pawisa dah pawh a pung a tam hlei thei hle dawn a ni, a ti a. Tunlaia chiahpuam kan sawi ang mai mai a nilo, company rintlak tak a ni, a ti.
