Capt. Dr. Samuel Lalrintluanga, AMC, tuna Nehru Institute of Mountaineering (NIM) Uttarkashi-a Doctor hna chelh mektu chu NIM Institute in May - June 2009 chhunga Mt. Everest Expedition (Khawvela tlang sang ber lawn turin) an neih turah Deputy Leader atan ruat a ni a. Doctor a nihna ni lovin Climber (lawn chhuah tum tur) angin  he Expedition-ah hian a tel dawn a ni.
Mizoram Mountaineering team te chu 1995 kum khan Mt.Everest lawn turin an lo qualified ve tawh a. Mahse, sum harsatna avangin vawiin ni thleng hian ala puitlin thei lo a ni.

Tuna NIM Institute in Expedition a neih turah hian Central Defence Ministry chuan an senso 75% a tum ang a, Uttaranchal State-in 25% a tum ve bawk ang. He Expedition ah hian Nuai 400 chuang sen ral a ngai dawn a ni.

Capt. Dr. Samuel Lalrintluanga, AMC hi zofate zingah chuan khawvela tlangsang ber Mt. Everest lawn tur zinga member hmasa ber a ni.