4275/2023-2024

Hnahthial the 21st March 2024: Election Commission of India (ECI) in General Election to the Member of Parliament (Lok Sabha), April ni 19 a neih tura a puan tak hnuah Hnahthial District chhunga 29- South Tuipui (ST) Assembly Segment-ah pawh nasa taka inpuahchahna kalpui mek a ni a, vawiin khan District Election Officer Pu Chuauhnuna, District Bawrhsap ni bawk hovin Electronic Voting Machine (EVM) randomization thawh khatna (1st randomization of EVM) chu Election branch, DC Office, Hnahthial-ah neih a ni.

He hunah hian kumin MP inthlana 29-South Tuipui Assembly Segment bika hman tur EVM khawl-te chu computer software hmanga thlan chhuah an ni a, reserve a dah tur nen chuan a vaiin Control Unit (CU) 39, Ballot Unit (BU) 39 leh Voter Verifiable Paper Audit Trail (VVPAT) 41 thlan chhuah an ni. Inthlanna thianghlim leh felfai a awm theih nan he randomization hi duan niin political party aiawhte leh election official te an tel bawk. 2nd randomization hi April ni 9, zing dar 9 a neih leh tura ruahman a ni a, he hunah hian EVM leh VVPAT te kalna tur Polling Station thlan fel leh a ni anga, April ni 12 leh 13 ah EVM te chu inthlana hman theih tura buatsaih (commissioned) an ni ang.