4274/2023-2024

2024 Vau thla ni 21: Lok Sabha Inthlanpui, 2024 neih tura Lawngtlai District chhunga assembly constituency pathuma vote thlak nana hman tur Electronic Voting Machine (EVM) leh Voter Verifiable Paper Audit Trail (VVPAT) te chu vawiin khan Lawngtlai DC office chamber-ah District Election Officer Pu Cheemala Siva Gopal Reddy hovin khawl hmanga thliar fel (randomise) a ni.


He hunah hian election official-te bakah, political party hrang hrang ai awhte an tel a. First Level Checking (FLC) endikna aṭanga EVM leh VVPAT hman theih tura dah hran sate chu EVM Management System (EMS) 2.0 web application hmangin a hmanna tur assembly constituency tih fel a ni a. EVM leh VVPAT hman tur hi Lawngtlai District chhunga polling station 181 atan kawp (CU, BU leh VVPAT) khat ṭheuh daih tur bakah, a ṭul thulha hman tura thlavenga dah hran (reserve) atan CU 82, BU 82 leh VVPAT 98 chu thliar fel a ni a. ECI-in inkaihhruaina a siam angin, reserve-a dah tur hi CU 45%, BU 45% leh VVPAT 55% anga chhut a ni.

Lawngtlai District chhungah hian 36-Tuichawng Assembly Constituency chhungah polling station 70, 37-Lawngtlai West Assembly Constituency chhungah polling station 69 leh 38-Lawngtlai East Assembly Constituency chhungah polling station 42 te a awm a ni.

EVM leh VVPAT te hi 2nd randomisation-ah a hmanna tur polling station leh thlavenga awm turte thliar fel leh a ni ang.

Attachment

  • Loading attachment...