No.38/2021-2022

Dated Serchhip, the 7th April, 2021: 26- Serchhip (ST) Assembly Constituency bye election vote thlak ni inbuatsaihna kal zelah vawiin hian Electronic Voting Machine Second Randomisation tih niin chumi zawhah Commissioning tih zui a ni a. Vote thlak ni atana vote thlakna khawl (EVM) leh Voter-Verifiable Paper Audit Trail (VVPAT) puahchahna hna pawimawh zawng zawng chu tihian thawh zawh fel a ni ta.

Election Commission of India hnuaia Electronic Voting Machine siamtu pahnih zinga pakhat zawk Electronics Corporation of India Limited (ECIL) mithiamte enpuinain vawiina commissioning hnate hi kalpui a ni a, vote thlakna khawla ballot paper thunte, Voter-Verifiable Paper Audit Trail (VVPAT) khawla symbol dahluh ngai dah luhte te, sealing, tagging leh packing ngai chi zawng zawngte tihfel a ni a, chumi hnuah Strong Room ah dah leh nghal a ni. Strong Room te hi Security Guard ten khauh takin chhun zan zawmin an veng a, CCTV engemawzat kam a ni bawk.