Nimin Dt 2th April 2014 hian Election Office Mamit-ah Electronic Voting Machine (EVM) leh Voter Varifiable Paper Audit Trail (VVPAT) Final Randomazation Pu R. S Lalzamliana, District Election Officer kaihruaina hnuaiah neih a ni. Hemi zawh hian DC Conference Hall, Mamit-ah Pu T. Vanlalmalsawmsanga SDO (Sadar) EVM Nodal Officer, Mamit in EVM hman dante Political Party aiawhte hi hrilhfiah a, zirtirna pe-in Mock Poll neihzui nghal a ni bawk. Hemi zawh hian inthlanna a tana hman turin Commission nghal a ni a, Strong Room-ah dah luh nghal a ni.

He EVM leh VVPAT Final Randomazation buatsaihna-ah hian Pu R. S Lalzamliana, District Election Officer, BEL Engineer te, Party aiawhte leh inthlan buaipuitu officials te an tel a ni.

Mamit District chhungah Constituency pathum awmin Hachhek Constituency ah Polling Station 36, Dampa Constituency ah 36 leh Mamit Constituency ah 38 a vaiin 110 a awm a ni. henga hman turin EVM 110 bakah Constituency tin atan Reserve 8 theuh ruahman a ni.

Tun tum MP inthlanna- ah hian Mamit District ah hian Mamit khawpui chhung Polling Station 6-ah VVPAT hi hman tura ruahman a ni.