Anti Narcotics Squad, Excise & Narcotics Department te leh Electric Veng khawtlang duty leh Bawngkawn Branch YMA te chuan Joint Operation neiin Heroin (No.4) gram 13 leh a neitu Laltlansangi (34) d/o Khupena (L), Zokhawthar, Champhai District chu Bawngkawn-ah an man a. Heng Heroin te hi Myanmar lam atanga an rawn lakthlak, Aizawl-a hralh an tum mek lai a ni.

Excise & Narcotics Department hian an mi man hi Section 21 (b) of The Narcotics Drugs & Psychotropic Substances Act, 1985 (NDPS Act) hnuaiah thubuai an siam sak.

Tin, 2nd April, 2014 (Nilaini) tlaiah vek khan Excise & Narcotics Department te chuan World Bank Road - ah Heroin (No.4) gram 34 leh a neitu an man bawk a, tunah investigation tih mek a ni.

Khawtlang hruaitute nen thawhhona tha tak an neih avangin Excise & Narcotics Department chu an lawm hle a ni.