Nimin (11.10.2018) chawhma Dar 11:30 khan DC Conference Hall Serchhipah District chhunga Assembly Constituency pathuma duty tur Sector Officers 13 leh Sector Police Officers 10 te tan Vote thlaknaa hman tur Electroncis Voting Machine (EVM) leh Voters Verified Paper Audit Trial (VVPAT) te hnathawh dan leh hman dan inzirtirna neih ani. 

He hunah hian Pu Lalhruaitluanga, SDC leh Master Trainer ni bawk chuan Electronics Voting Machine (EVM) leh Voters Verified Paper Audit Trial (VVPAT) te hnathawh dan kalhmang  leh  a hman dan tur kimchangin a zirtir a. Sector Officer te leh Sector Police Officer te chu Electroncis Voting Machine (EVM) leh Voters Verified Paper Audit  Trial(VVPAT) te chu a taka  hman tir chhin nghal  an ni. 

Serchhip District chhunga Assembly Constituency pathum- 26^th Serchhip, 27^th Tuikum leh 28^th Hrangturzo ah hian Polling Station 77 a awm a ni.