Nimin (11.10.2018) khan Taxation Department, Lunglei Zone buatsaihin Arts &Culture Auditorium, Venglai, Lunglei ah Goods and Services Tax hnuaia Tax Deduction at Source(TDS) tih dan tur leh kalphung Lunglei District chhunga Drawing and Disbursing Officers leh Cashier te tan Training of Drawing and Disbursing Officers on GST Tax Deduction at Source(TDS) neih ani. Pu Benjamin Lalzama, Addl. Deputy Commissioner, Lunglei chu khuallian niin a hmanpui.

 He training hi Pu T.T. Lalnunmawia, Asst. Commissioner of State Tax in kaihruaiin Pu Benjamin Lalzama chuan DDO te hi kan pawimawh, abik takin works deparment te hi an pawimawh zual ani. Mizoram mipui te hi sum leh pai vawn leh chhinchhiah kan thiam a, amaherawhchu ziah neuh neuh leh chhinchhiah  kan peih lo ani. Sum leh pai vawng vel taima ila chuan Mizoram Tax chhunluh pawh a pun a beisei in zawi zawi chuan a tha chho tur ah a ngaih a ni. GST hi 1st, July' 2017 atangin India ram pumpui ah hman tan niin VAT leh Tax hrang hrang te hi GST ah a hlawmin a kal vek tawh ani.State tenau leh Revenue lalut tlem te chu kum 5 chhung Central Sorkarin ngaihnathiamna a nei a, Sorkar hnathawk Group D atanga Chief Secretary thlengin kum khat ah Professional Tax Rs 2500/= in hrutrual ani a, hei pawh hi DDO ten hmalak a pawimawh thu a sawi. Department hrang hrang te kan tanrual chuan Tax tam tak sorkar ah kan chhunglut theih a ring, training hlawk tak a hmang theuh turin duhsakna a hlan ani.

Pu Lalthachianga, Deputy Commissioner, Taxation Department, Lunglei Zone in GST registration chungchang , duties and responsibilities of tax deductor, filling of tax return leh payment chungchang ah zirtirna power point presentation hmangin a pe bawk zawhna leh chhanna hun neih ani