Mizoram sorkar chuan Clinical Establishments Act, Health & Family Welfare hnuaia Hospitals leh Laboratories te hman tur ‘Minimum Standards’ chu ni 7th September, 2018 khan Notification a tichhuak. (Memo No.A.17014/1/2015-HFW)
Minimum Standards hi Clinical Establishments Act, 2018 inkaihhruainaa thuneitu sang ber National Council for Clinical Establishmwnts Act siam niin he Dan hmangtu State tinte tana duanchhuah a ni a. Minimum Standards hnuaiah hian Hospital leh Laboratory ten an zawm tur, hospital-in a mamawh zawng zawng, a chhung zau zawng, hmanrua a neih ngei ngei ngai, thawktu mamawh zat, hospital-in Dan a zawm ngei ngei tur (legal requirements) te tarlan a ni.
Clinical Establishments Act hnuaiah hian sorkar leh private hospital, single doctor clinic (doctor pakhat chauh awmna) atanga polyclinic te, hospiatl/nursing home leh damlo enkawlna tur atana din reng reng chu in-register vek tur a ni a, in-register lo chu dan anga hrem theih a ni. Mipui ten inenkawlna tha leh changtlung zawk kan dawn vek theihna tur atana he Minimum Statndards hi ruahman a ni.
Hemi chungchanga zawhna emaw hriatchian duh nei emaw chuan Clinical Etablishments Act Section, Directorate of Hospital & Medical Education, New Secretariat Complex, Khatla-ah office hun chhungin zawhfiah theih reng a ni.
