Mizoram sorkar hnuaia Health & Family Welfare Department chuan ni 11th September, 2018-a Office Memorandum an chhuah tawh angin Section 14 of Mizoram Medical Council Act, 2010-in a ngiat angin Mizoram State chhunga doctor (medical practitioner) zawng zawngte chu Mizoram State Medical Council hnuaiah in-register vek tura hriattir an ni.
Mizoram State Medical Council hnuaia in-register te chauhin Mizoram State chhungah hnathawh (practise) phal an ni ang a, Mizoram sorkar hnuaia doctor post hnaruak lak hunah pawh in-register te chauhvin an dil thei ang. Council hnuaia registered doctor-te chauhin sorkar hna appointment, driving licence leh Certificate dang atan Medical Certificate an pechhuak thei bawk ang. Chu bakah court case emaw Dan lam thil pawimawh emawah Section S.45 of the Indian Evidence Act, 1872-in a tih angin registered doctor-te chauh hi court-ah an inlan thei dawn a ni.
