4286/2023-2024

Dated Serchhip, the 21st March, 2024: Tukin dar 9 khan Serchhip District Election Office ah Inthlanpui lo awm tur atan Electronic Voting Machine Randomization chu Addl.DC Pu James Lalnithanga hova neih a ni.

Lok Sabha Inthlanpuia Serchhip District a hman tur EVM khawl-te chu computer software hmanga thlan chhuah a ni a. Tun dinhmunah Serchhip chuan a za vaiin Ballot Unit (BU) 138, Control Unit (CU) 165, leh Voter Verifiable Paper Audit Trail (VVPAT) 159 an nei mek a. 1st Randomization ah hian Ballot Unit (BU) 128, Control Unit (CU) 165, leh Voter Verifiable Paper Audit Trail (VVPAT) 159 a awm a. Assembly Constituency Wise a randomization tih dan tur chu hetiang hi a ni:-

26-Serchhip AC ah Ballot Unit (BU) 42, Control Unit (CU) 42, leh Voter Verifiable Paper Audit Trail (VVPAT) 45; 27-Tuikumah Ballot Unit (BU) 47, Control Unit (CU) 47, leh Voter Verifiable Paper Audit Trail (VVPAT) 49; 28-Hrangturzoah Ballot Unit (BU) 39, Control Unit (CU) 39, leh Voter Verifiable Paper Audit Trail (VVPAT) 136

EVM Randomization thawhkhatna ah hian Election Officer Pu Gaston Vanlalhriatpuia leh election official dang te bakah Political Party hrang hrang aiawhte leh chanchinbumite an tel a ni.

Inthlanna thianghlim leh felfai a awm theih nan EVM randomization hi neih thin a ni a. Khawi constituency leh khawi polling station ah nge EVM khawl te hi dah an nih dawn tih hi tu te mahin an hre lawk lo a. Computer kaltlangin serial number hmangin,  EVM khawlte hi khawia hman tur nge tih thlan thin a ni.