2456/2023-2024
November ni 7, 2023 a inthlanpui lo awm tur atan EVM leh VVPAT randomization tum hnihna leh Polling Party randomization tum hnihna chu Election Observer (General) Pu V.Sampath hoin Serchhip DEO office Video Conference Hall ah vawiin tlai dar 4:30 khan neih a ni.


Serchhip District hnuaia Constituency pathum 26-Serchhip (ST), 27-Tuikum (ST) leh 28-Hrangturzo (ST) atan randomization hi neih niin Political Party aiawh te, media te, RO leh ARO te he hunah hian an tel. EVM Management System kaltlangin EVM leh VVPAT machine te chu a kalna tur polling station theuhah allocate an ni a. Polling party tur te khawi constituency ah nge an kal dawn tihfel a ni a. An team member tur te - Presiding Officer (PRO), Assistant Presiding Officer (APRO), Polling Officer 1  leh Polling Officer 2 inkawp tur te a siam fel a. An polling station kalna tur erawh chu Inthlan hma niah allocate an ni dawn a ni.

Randomization neih dan kawnghmang te, ECI software hman a nih thu te DEO Pu David Lalthantluanga chuan a sawifiah a. EVM Nodal Officer Lalhruailiana Zote pawhin randomisation neih dan sawiin District thuneituten anmahni duh zawng thlan leh rem lo ruat ve te a theih loh thu leh, khawl hmang veka polling party te kalna tur leh EVM/VVPAT khawl kalna tur te pawh herchhuah a nih thu a sawi a ni.

Attachment

  • Loading attachment...