2457/2023-2024

2023 Khuangchawi thla ni 23: Mizoram Legislative Assembly Inthlanpui, 2023 neih tura inpuahchahna kal mekah vawiin khan Kolasib DC Video Conference Room-ah General Observer Pu Anant Lal Gyani leh District Election Officer Pu John LT Sanga hovin 2nd Randomisation of Polling Officials leh 2nd Randomisation of Electronic Voting Machine (EVM) neih a ni.

He hunah hian election official-te bakah, political party hrang hrang ai awhte an tel a. 1st randomisation-a Kolasib District chhunga inthlan buaipui tur, Presiding Officer, 1st Polling Officer, 2nd Polling Officer leh 3rd Polling Officer khawl hmanga thlan chhuah sate chu 2nd randomisation-ah hian khawl hmang bawkin team inkawp turte thliar fel a ni a. He inthlana EVM (Control Unit, Ballot Unit leh VVPAT) hman tur, 1st randomisation-a khawl hmanga a hmanna tur constituency thliar fel sate chu 2nd randomisation-ah hian khawl hmang vekin a khawl (CU, BU leh VVPAT) inkawp tur leh a hmanna tur polling station thliar fel a ni bawk.