2458/2023-2024

Aizawl, 23.10.2023: Vawiin tlai dar 4:30pm khan DC Conference Hall ah kumin November ni 7 a MLA inthlanpui neih tura hman tur Electronic Voting Machine (EVM) leh Voter Verifiable Paper Audit Trail (VVPAT) randomization tum hnihna neih a ni. District Election Officer Pi Nazuk Kumar, Aizawl District bawrhsap bakah General Observer paruk -  Pu Sujal Jayantibhai Mayatra, Pu Sridhar Chitturi, Dr. Prashant Bholanath Narnaware, Dr. Garima Mittal, Pi Nidhi Choudhari leh Pu T. Anbalagan te an tel bawk.

Inthlanna felfai tak neih theih nan khawi constituency / polling station ah eng EVM ber nge an hman dawn tih mihring inrawlhna tela hriat lawk a nih loh nan randomization hi neih a ni thin a. 1st Randomization ah constituency hrang hranga EVM hman tur chu khawl hmanga thliar a ni a. 2nd level randomization, vawiina neih ah hian polling station tina EVM leh VVPAT hman tur te khawl hmang bawkin thliar a ni leh a ni.

Vawiina 2^nd randomization of EVM / VVPAT neih ah hian Aizawl district chhunga constituency 12 a Contesting Candidate aiawhte leh election official te an tel a ni.