2459/2023-2024

Aizawl, 23.10.2023: Kumin MLA inthlan awm tura inpuahchahna kal zelah vawiin khan inthlanpui a Contesting Candidate Expenditure Agent te tan sum vawn dan chungchang inzirtirna I&PR Auditorium ah buatsaih a ni a. Hetah hian Expenditure Agent te bakah constituency tin Assistant Expenditure Observer te leh Accounting Team Leader te an tel a ni.

Contesting Candidate te'n campaign nana an sum hman dan vawn fel dan tur hrang hrang training programme hi Pu Lalrohlua, Nodal Officer, Election Expenditure Monitoring chuan kaihruaiin, zirtirna hi Pu Lalhruaizela Fanai, Asst Nodal Officer chuan a pe a ni.

Training ah hian candidate pakhatin campaign nan cheng nuai 28 aia tam a hman theihloh thu leh, pawisa hman dan fiah taka form awmsa a ziahluh dan leh hriattur dang pawimawh hrang hrang sawiho a ni.