2460/2023-2024

Lawngtlai dated 23rd October 2023: Vawiin tlai khan Deputy Commissioner pisaah Lawngtlai district chhung a Assembly Constituency pathum a Polling station 181-a Electronic Voting Machine sem chhuah dan tur ruahmanna, 2nd Randomization of EVM/VVPAT neih a ni a. Pu Joseph H.Lalramsanga, Deputy Commissioner chuan he hun hi kaihruaiin Pu Shyam Bihari Meena, IAS, General Observer, 38-Lawngtlai East, Pu Srinibas Behera, IAS, General Observer, 36-Tuichawng leh 37-Lawngtlai West-ten an enpui a. Heng Assembly Constituency pathum Returning Officer, Election Officer, District Information & Public Relations Officer,  Nodal Officer for EVM Management leh Political Party aiawhte he hun ah hian an tel a ni.

Pu Joseph H.Lalramsanga, Deputy Commissioner chuan inthlanna felfai leh langtlang awm tur chuan inthlan kaihnawih a hmalaknate chu Political party hrang hrang aiawh ten an hriatpui a pawimawh thu sawiin 2nd Randomization of EVM-ah hian Polling Station tin a EVM an dah tur ruahman felna a nih thu a sawi. 36-Tuichawng AC ah Polling Station 70 awmin 37-Lawngtlai West AC ah Polling Station 69 awm a.  38-Lawngtlai East AC ah Polling Station 42 a awm bawk a ni.