No.7890/2020-2021

Aizawl, 23rd March, 2021: COVID-19 hripui leng avanga hun engmaw chen chawlhsan a nih hnuin, Mizoram Youth Commission chuan vawiin March ni 23, 2021 atangin SSC leh Banking, MPSC Combined Examinations/ MSSSB exam inbuatsaihnan Mizo thalaite tan Coaching class a tan leh ta a. Coaching class hmasa berah hian zirlai engemaw zatin class an kal a, coaching class hi  Dinthar Coaching Center, Aizawl-ah neih a ni.

Lunglei-a MYC Coaching Center-ah pawh coaching class hi kal tan tawh a ni a, Kolasib lamah coaching class hi kal tan a ni tawh bawk a ni. Siaha lamah pawh a rang thei ang bera class hi tan tum a ni a, faculty pawh lak fel tawh niin class hi tan mai theih a ni tawh bawk a ni.

Sawrkar Coaching Institute hi man tlawm zawka zirlaite tan kalpui tur anih avangin faculty tha tak tak kaihhruaina hnuaiah Mizo thalaite lut turin Mizoram Youth Commission  chuan a sawm a ni.