3007/2022-2023

Aizawl, 9th December, 2022: Excise Minister Dr. K. Beichhua hovin vawiin khan Mizoram Excise & Narcotics Service Association (MENSA) General Conference vawi 18-na Commissionerate, Conference Hall ah hman a ni.

Conference hi Pu Zohmingliana, President MENSA in a kaihruai a, Pu F Zothanzuala, General Secretary in report a pe.

Excise Minister Dr. K. Beichhua chuan kalkhawmte hmaah thuchah sawiin, Excise Enforcement te chu tlem hle mahse an hnathawh ropui a tih thu leh kum 2021 leh 2022 ah a zawnin Governor's Award an dawng thei chu lawmawm a tih thu bakah Excise department hmel timawitu an ni, a ti.

Dr Beichhua chuan Mizoramah ruihhlo do chu Excise Department mawhphurhna a ni tih hre thar a, kan ram hmelma do turin kan tlem emaw kan tam emaw theihtawp chhuah zel turin a chah nghal bawk.

Excise & Narcotics Department Commissioner Pu Ngurchungnunga Sailo pawhin thuchah sawiin Excise Force te chu transfer & posting chungchangah buai lova, khawi hmunah pawh thawk thei tura tuarchhel tur a ni, a ti.

MENSA conference ah hian an member kum hmasa lama thi ta mi 15 te ralna hun hman a nih bakah Conference puala a vawi khatna atana buatsaih, Magazine, "Mellung" tih chu khuallian hian a tlangzarh nghal bawk.