No.7219/2020-2021

Tukin zing dar 7:00am khan Dr. K Beichhua, Minister of State i/c Excise & Narcotics,SWD etc, chuan Excise & Narcotics Office, Social Welfare Office Building sak lai mek te,MYC coaching centre tur te a tlawh.

Dr.K. Beichhua chuan Excise & Narcotics  Office a tlawhna-ah thu sawiin, tunlai khawvelah quantity  aiin quality a pawimawh tawh zawk a, Excise Department staff te hi tlem hle mah i la, inpumpekna leh rinawmna nena kan inthuam chuan Mizoram hi kan alh hneh thei a ni. Tunah chuan  staff te nungchang leh hmel atang pawhin hma  kan sawnna hi a hmu thei a ni.Siaha Excise & Narcotics Department in harsatna in neih hrang hrang pawh ka hria a, in harsatna te sutkian dan tur kan dap mek a ni. Covid-19  hrileng avangin  E&N Department hnuaia hna lak tur pawh kan la kalpui theih rih lo a ni. E&N Force te chuan Ruihlo laka indo kan puang a ni tih hriain, kan hmelma Ruihhlo laka in lo polite viau chuan hnehna kan chang ngai lovang. Kan nunchang, hawiher leh hmel pawh hian Ruihhlo dotu kan nih hi pholang rawh se, a ti bawk.

Khawvel a incheina mawi ber chu mahni hna a tui leh inpumpekna hi a ni.Kan hnathawhah hian CYMA,CYLA MTP, MHIP, MCHP,LWA leh NGO dang te,Zirlai  leh kohhran pawl hrang hrang te pawh hian min thlawp tha hle a ni.

Chutiang bawkin keini pawhin thawhpui châkawm tura kan inhawn ve angai a, NGO te'n min thawhpui thei lova kan tih beidawn chuan hmasawn ahar hle  dawn a ni. Ruihlo do tu Department kan ni angin kan landan leh kan hmelah pawh Ruihlo laka kan fihlim  a ni, tih pawh a lang ngei tur a ni, a ti bawk.

 Kan Department in a mamawh em em te ka hria a, Central Narcotics Department Delhi lamah pawh kan dawr tawh a, Kan harsatna te kan thlen a, min sutkian sak vat kan beisei a ni tiin, Excise Department a enkawl atangin Lawngtlai ah Office hawn  tawh  a ni a, Rangvamual leh Phunchawng-ah pawh Outpost hawn a ni a, hma kan sawn tawh hle a ni.Tu emaw te'n min fak tur vang emaw min chawimawi se ti vanga hna kan thawk chuan a lithuk lai kan la dai phah lo tihna a ni. Hmingchhiat leh sawisel pawh pawisa lova Ram tan rawng kan bawl chauhin a lithuk lai kan thleng phah tihna a ni  tiin, Huaisen tak leh taima taka ke pen zel turin Siaha Excise Department Staff te chu achâh hlawm a ni.

Vawiin Dr.K Beichhua tawihawmtu MLA Pu KT. Rokhaw pawhin thu sawiin, Hunthar veng, Aizawla cheng ka ni a, Rangvamual leh Phunchawng venga thawm riva pawh kan Minister  Dr K.Beichhua in he Department a enkawl atang hian a tlem sawtin hmasawnna tamtak hmu theihin a awm a ni.  Excise Department Force te in tlem ngaituah in in hnathawh leh hmalakna hi aropui ka ti hle a ni. Chutih mek laiin, Siaha Excise te phei chuan Minister khua a nih angin, district dang entawn tlak ni tur khawpa in awm a, taimak in chhuah zual sauh sauh angai dawn a ni a ti bawk.

Social Welfare Office Building sak lai mek pawh tlawh nghal in hmalak chhunzawm zel dan tur te pawh Official te a sawipui. Social Welfare office building hi Cheng nuai 40 a sak mek a ni a, hemi an zawh hunah a chhawng chunglam   cheng nuai Rs.25O  senga sak belh chhunzawm zel tur a ni a. Tunah hian cheng nuai Rs.100/- pawh pekchhuah theihin a awm tawh a ni.

Meisavaihah Market sakna tur hmun pawh en fel nghal niin chak taka hmalak zel dantur te pawh Meisavaih VC te leh MTP te pawh a sawipui nghal bawk a ni.

MYC Coaching Centre hawnna tur hmun pawh en nghalin, Minister chuan  IAS tling turin New Delhi a coaching kal kher a ngai tawh lo, engkim online hmangin tih theih vek tawh a,  Siaha-ah coaching centre tha tak  kan hawn hunah chuan mi taima leh tumna tak tak neih tan chuan Siaha atangin  UPSC,NEET,NDA etc.exam-ah pawh a tlin theih tawh dawn a ni, a ti.

Minister chuan Coaching  Class  hi rang taka kalpui a nih theih nan Minister chuan room renovate na tur, Furniture leh hmanrua pawimawh dangte hi a  MLA/LAD Fund atanga atum sak tur thu a sawiin, MSO(H) OB te hnenah  coaching Centre a tihtur tul te  thawk tan nghal turin a ngen hlawm a ni.

Minister hi Pu HC.Lalmalsawma Zasai, MDC,Pu Biakcheua, MDC, Pi Lallianpuii,Director, WCD,  Concern Head of office te,MJA member te,Joint VC member te leh Party worker ten an tawihawm a ni.

Attachment

  • Loading attachment...