No.3434/2021-2022

Aizawl, 16^th December, 2021 : Excise & Narcotics Department in a ruihhlo an man, cheng vaibelchhe 2 chuang hu chu vawiin khan Bethany Multipurpose Farm, Phunchawngah  Excise & Narcotics  Minister Dr. K. Beichhua-a’n a hal ral. 

Ruihhlo man halralna puala in khawm buatsaihah Dr. K. Beichhua chuan thu sawiin Excise  & Narcotics  Department hi thawktu tlem te leh hmanrua nei chau tak kan ni a, chuti chunga kan hnathawh leh  hmalakna te hi a ropuiin a chhuanawm a ni, a ti a. Kan ram tibuaitu leh thalaite nun ti chhetu ruihhlo dona kawngah theihtawp chhuahin  hma kan lak zel a tul a, zu leh ruihhlo do hna hi kan ngaih pawimawh lohva kan  enliam mai chuan eng tik niah emaw chuan kan chhungkua hi min la luh chilh ve thei a ni tih sawiin, Zoram mipui ten zu leh ruihhlo do hna hi Excise & Narcotics Department mawhphurhna mai a dah lovin kan  zavaia mawhphurhna a ni tih hria a, theihtawp chhuah a tan tlan a ngai a ni, a ti a. Excise & Narcotics Department  chu Mizoram mipuite leh NGO  hrang hrangte hi thawhpui turin an in peih reng a ni tih a sawi bawk a ni.

Dr. K. Beichhua chuan Excise & Narcotics Department chu thawktu tlemte nimahsela hlemhletna leh  ruihhlo laka fihlim  thawktu an ni hian a tihhlim thu a sawi a,  quantity ni lova qualtity service hian kan sorkar a tihzahawm a ni, a ti a. Excise & Narcotics Department a thawk ten theihtawp chhuahin zu leh ruihhlo dona kawngah  hma la chhunzawm zel ila, thawktu kan indaih lohna leh lirthei leh  hmanraw danga kan pachhiatna te sorkarin a hria a, theihtawpin kan hotu ten an nawr chho zel anga,  enforcement lam tih len chho zel hi kan tum a ni, a ti a. Mipuite fak beisei leh tih lawm tum  ringawtin hna kan thawk lo a, kan ram hi zu leh ruihhlo laka a fihlim theih nana thawk kan ni. Kan hnathawh hi mi thenkhat ten sawiselin  min do mahsela, kan ram leh hnam zu leh ruihhlo laka a him theih nan theihtawp chhuahin hma lam panin kan kal zel dawn a ni, a ti bawk.

Excise & Narcotics Department-in ruihhlo an man vawiin a halral takte hi a hnuaiah hian tarlan a ni :

Vawiin programme hi Pu Z. Lalhmangaiha, Jt. Commissioner (Admin), Excise & Narcotics Department chuan kaihruaiin Pu Peter Zohmingthanga, Asst. Commissioner (Hqrs), Excise & Narcotics Department hnen atangin report ngaihthlak a ni a, Pu Vanlalmalsawmdawngliana, Jt. Commissioner (Enforcement), Excise & Narcotics Department –in lawmthu sawina hun hmangin  hnu a khar a ni.