169/2026-2027 

Saitual, the 16th April, 2026: Vawiin khan Saitual Excise & Narcotics Station-ah Annual inspection neih niin, Excise & Narcotics Department Commissioner, Pu Z. Lalhmangaiha leh inspecting team te chuan a hmunah tlawhin an endik a,  Pu Lalhmingthanga, Saitual District Assistant Commissioner kaihhruainain mamawh leh duhzawng sawina hun - Durbar neih nghal a ni bawk. 

END Commissioner Pu Z. Lalhmangaiha chuan thu sawiin harsatna awm loa Mizoram chhunga district hrang hranga annual inspection an kalpui thei chu lawmawm a tih thu a sawi a, Saitual END station-a thawktute chu inthlahrung lo a an mamawh te thlen turin a sawm a, a theih ang anga puih a inhuam thu a sawi bawk. END chu sawrkarin theih tawp a chhuahpui tih sawiin, lirthei leh hmanruaah te pawh hma an sawn hle a ni, a ti a, sawrkar tan leh ram leh hnam tana theih tawp chhuah chu a thawktute bat a ni, a ti. 

END Commissioner chuan Mizoram harsatna lian tak chu ruihhlo hi a ni, a ti a, END-a thawktute chu chumi do tura hna thawk an ni tih inhre thar tura chahin, lungawi tak leh thahnemngai taka an hna chu thawk chhunzawm zel tur leh khatlawng hruaitute leh NGO te nen thawhhona tha tak nei chhunzawm zel turin a fuih a ni. 

Tun dinhmunah hian Saitual District Assistant Commissioner of Excise and Narcotics Office hnuaiah hian thawktu 13 an awm mek a,  Assistant Commissioner hona hnuaiah OC pakhat, SI pakhat, ASI pakhat, Wireless Operator pakhat, Constable pasarih leh 4th Grade pakhat an awm mek a ni.