Narcotics Control Bureau (NCB) buatsaih in ni 9 & 10 October, 2013 khan "Two Day-Capsule Training on Drug Law Enforcement" chu I&PR Conference Hall-ah buatsaih a ni a. Nimin khan Pu Lalbiakmawia Khiangte, Commissioner of Excise & Narcotics, Govt. of Mizoram chuan training chhuakte hnenah Certificate hlanin training hi a khar.

Kharna inkhawmah thu sawiin Pu Lalbiakmawia Khiangte, Excise & Narcotics Commissioner chuan, "Mizoram hi International Boundary-a awm a nih avangin heng thenawm ram atang hian Drugs chi hrang hrang a rawn kal tlang nasa hle a. Kan thenawm State Manipur atangin Ganja leh Opium lo lutin State thenawm dang atangin damdawi hmansual chi chi hrang hrang a lo lut mek bawk a. Chutih laiin damdawi pangngai atangin damdawi hlauhawm siamna tura pawimawh tak, Ephedrine leh Pseudo-ephedrine te chu Mizoram kaltlangin Myanmar lamah tawlh mek a ni bawk. Kan ram venhimna atana ruihhlo dona hi mimal leh vantlang mawhphurhna a ni tih hriat hi a pawimawh hle. Drugs dona kawnga hma latu Department hrang hrangte hriatna leh thiamna thuam chak tura Narcotics Control Bureau-in Training hlu tak min rawn pe hi a lawmawm hie a ni," a ti.

He Training-ah hian Mizoram Sawrkar hnuaia Drugs dona kawnga hma latu Department hrang hrang - Excise & Narcotics Department (END), Mizoram Police Department leh Customs Department atangin Officer 27 an tel a ni.