2919/2024-2025

Dated Aizawl, the 11th November, 2024: Vawiin chawhma dar 11:30 khan, Working Committee on Ruihhlo Do kaltlangin Agency hrang hrangte hnena Ruihhlo Dona tur sumfai sem chhuahna hun chu Excise & Narcotics Conference Hall, Khatla-ah hman a ni a. Excise & Narcotics Department changtu Minister Pu Lalnghinglova Hmar chuan he hun hi khuallian niin a hmanpui a. Agency-te hnenah sumfai a hlan nghal bawk a ni.

Khuallian Excise & Narcotics Minister Pu Lalnghinglova Hmar chuan kalkhawmte hmaah hian lawmthu leh fuihna thuchahte sawiin, tlawmngai pawl hrang hrangte nena sawrkar thawhhona tha tak chu lawmawm a tih thu leh chhunzawm zel tlak ni a a hriat thu a tarlang a. Sawrkar, tlawmngai pawlte leh kohhrante chu tun aia nasaa an tanrual theih phawt chuan Mizorama ruihhlo chu tihtlem theih nia a hriat thu a sawi a. Ruihhlo donaa sawrkar tha tichak tura sawrkar hmalaknate pawh tarlang nghalin, Department tana lirthei ke pali nei 14 leh Two-wheeler 4 sawrkarin a pek thute, thawktute pawh a theih ang anga an inlak belh dante leh District thar pathuma Excise Office a rang lama hawn a nih tur thute a sawi a. Kalkhawmte chu phur leh zuala ruihhlo dona kawnga tan la zel turin a chah nghal bawk a ni.

Vawiin hun hman hi Commissioner of Excise & Narcotics Pu Z. Lalhmangaiha, Member Secretary, Working Committee on Ruihhlo Do chuan kaihruaiin kalkhawmte lawmna thu a sawi  a. Tlawmngai pawl thenkhat; Mara Thytlia Py (MTP), Young Lai Association (YLA) leh Central YMA hruaitute atangin lawmthu sawina leh an hmalakna thenkhatte ngaihthlak nghal niin, Fund semnain a chhunzawm a. Joint Commissioner of Excise & Narcotics Pu Peter Zohmingthanga, Member, Working Committee on Ruihhlo Do chuan lawmthu sawiin hun hman hi a khar a ni.

Vawiina pawl hrang hrangte hnena sumfai sem chhuah hi avaiin cheng vaibelchhe hnih (Rs. 2 Crore) a ni a. Hei hi Agency hrang hrangte hnenah a hnuaia tarlan ang hian pek chhuah a ni:

A.    Supply Reduction

1.    Excise & Narcotics: 30.00 lakhs

2.    Police: 35.00 lakhs

3.    FDA: 2.00 lakhs

4.    CYMA: 35.00 lakhs

5.    MTP: 5.00 lakhs

6.    YLA: 5.00 lakhs

Sub Total of A: 112.00 lakhs

B.     Demand Reduction

1.    SW&TA: 40.00 lakhs

2.    MSACS: 5.00 lakhs

Sub Total of B: 45.00 lakhs

C.    District Level

1.    Aizawl: 2.00 lakhs

2.    Lunglei: 1.50 lakhs

3.    Siaha: 1.50 lakhs

4.    Champhai: 1.50 lakhs

5.    Kolasib: 1.50 lakhs

6.    Serchhip: 1.50 lakhs

7.    Lawngtlai: 1.00 lakhs

8.    Mamit: 1.50 lakhs

9.    Hnahthial: 1.0 lakhs

10.    Khawzawl: 1.0 lakhs

11.    Saitual: 1.0 lakhs

Sub Total of C: 15.00 lakhs

D.     State Level Committee on Ruihhlo Do

1.    Training, workshop, meeting, etc.: 20.00 lakhs

2.    Mass media campaign: 8.00 lakhs

Sub Total of D: 28.00 lakhs

Grand Total of A+B+C+D: 200.00 lakhs (2 crores)