2918/2024-2025

Khawzawl, dated 11th November, 2024: Vawiin chawhma dar 11:00 a.m khan DC Meeting Hall-ah November ni 14 a state pum huap mock drill neih tur chungchangah vawi 2-na atan thutkhawmna neih a ni a, Addl. DC, Pu Lalfakzuala chu chairman niin hun a kaihruai.

He hunah hian Pu Lalrammawia, LDC chuan sawihawnna hun hmangin siamremna hrang hrang te a sawi a, mock drill kal dan tur hrang hrang a sawi. Hemi zawhah hian Chairman Pu Lalfakzuala'n hmun hrang hrang pali a mock drill neih dan tur chungchanga ngaihdan sawina hun a hawng a, remchang zawk, him zawk leh rang zawka a kal theih nan mi tel zat tur te, inhmuhkhawmna hmun tur te, motor mamawh dan te, hun bi siam te siksawiin siamrem a ni. Chairman Pu Lalfakzuala chuan thukhawm tura lo kal te hnenah lawmthu a sawi a, a ni takah tluang taka a kal theih nan inpuahchahna tha tak nei turin a chah a ni.

Mock drill hi November ni 14-ah chawhma dar 10:00 a.m a neih tan tur a ni a, hmun pali - DRDO office, Khuailui Peng, Dapzar Peng (KEL Road, Chawngtlai) leh Kawnzar Field - a neih tur a ni.