Ni 1.7.2013 zing dar 4:40 a.m. khan Excise - Anti Narcotics Squad duty te chuan Mualkhang leh Khamrang inkara an duty laiin Silchar atanga lo chho Truck AS-11/AC-7282 a chuang Lalthakimi (27) D/o Lalthlamuana- Zuangtui, Aizawl leh Lalnunhlimi (26) D/o Kapkhuma - Sesawng Field Veng inti te hnen atangin Parvon Spas Capsule 3922 chu an man sak a. Heng Parvon Spas te hi Bagha, Assam atanga Rs. 14,700/- a an lei niin an sawi a, Aizawl-ah Rs. 31,500/- a pek an tum a ni. Heng drugs te hi an chawhmeh - Bawkbawn, Berul leh Changkha dahna ip chhunga an thuhruk a ni.

Lalnunhlimi phei hi chu tunhma a drugs case ah Excise & Narcotics, Anti Narcotics te chuan an lo man tawh a. Tunah pawh thubuai NDPS Act hnuaia a nei mek a ni. Tun tumah hian an pahnih Lalthakimi leh Lalnunhlimi te hi NDPS Act, 1985 dan hnuaiah thubuai siamsak leh an ni.