Election Commission of India thuchhuak angin Vote thlak tan hun November ni 28, 2018 zing dar 7 atanga vote thlak tawp hun pelh darkar chanve (tlai dar 4:30) chhungin Exit Poll neih phal a nilo.  Chutiang bawkin Vote thlak hun tawp hma darkar 48 (November ni 26, 2018 tlai dar 4:00 atanga November ni 28, 2018 tlai dar 4:00) chhungin Opinion Poll result puanzar phal a nilo. Exit Poll leh Opinion Poll hi chawhpawlh phal a nilova, Newspaper, Radio, Television, SMS leh Social Media kaltlanga puanzar leh thehdarh khap tlat a ni.

Exit Poll hi voters ten vote an thlak zawh veleh a polling station atanga an chhuahin lak thin a ni a, opinion poll erawh hi chu vote thlak anih hma a voters te ngaihdan thlirlawk nan lak thin a ni.