Tukin  zing dar 7 khan Champhai DC Office a NIC Conference Hall-ah Champhai District chhunga Assembly constituency panga a inthlanni a duty turte Duty-na tur hmun Polling Station siamfel a ni.

Computer hmanga rualkhai taka  semrualna thawh thumna leh a tawpna ber hmang hian Champhai District chhunga Vote thlak ni  November Ni 28, 2018 a Polling Station 137 a duty tur Polling official reserve tiamin mipa 664 te chu  semrual an ni a, an ni  bakah hian  Hmeichhe hlang duty-na tur Polling Station Constituency tinah pakhat theuh awm tur anih avangin Polling Official hmeichhia 28, reserve  tiama awm turte siamfel a ni bawk.  Polling party team tinah hian Official Pali Presiding Officer, Assistant Presiding Officer leh Polling Officer dang 2 an awm zel dawn a ni.  

Vawiina Third Randomisation of Polling Official neihnaah hian Pu Debashis Das, IAS, General Observer for 21-Lengteng (ST) AC & 22-Tuichang (ST) AC; Pu Narander Kumar Meena, IAS, General Observer for 23-Champhai North (ST), AC, 24-Champhai South (ST) AC &  25-East Tuipui (ST) AC; Dr Naveen Aggarwal, IAS, District Election Officer, Champhai bakah RO, ARO, Election Officer  DIPRO leh party aiawhte an tel a ni.

Champhai District chhunga A/C 5 huama Polling Station 137-ah hian venhimna thuahthip pek ngai (Vulnerable) Polling Station 10 (21-Lengteng A/C-ah Khawkawn PS,  Mimbung PS 1 & 2),  (23-Champhai North A/C-ah Vaikhawtlang PS,  Hnahlan PS 1 & 2,  25-East Tuipui A/C-ah Vaphai PS 1 & 2,  Saikhum PS leh Thekpui PS) thlanchhuah niin,  22-Tuichang A/C huama Lungtan PS chu vilbik ngai (Critical)-ah puan a ni bawk.