Vawiin khan kolasib DC Conference Hall ah kumin MLA inthlan kan hmachhawn tur chungchanga District inpuahchahna te thlirho a ni.

Expenditure Observer Shri Vinay Kumar Kantheti IRS, chuan a kal kual na chin ah inpuahchahna a tha viauin a hriat thu a tarlang a, election team hrang hrang te hmalak dan tur a hrilh a,  Flying Squad Team leh Static Surveillance Team ten an kal kual na a an check tur an hriat theih nan political party leh candidate te zawm tur te pawh sawi langin hengte hi ngaih pawimawh a ngai a ni a ti, dan in a phalna chin ah huaisen tak leh rinawm taka duty zel turin team hrang hrang te a chah a ni.
Hemi bakah hian Team hrang hrang ten daily report theluh nan form fill up kalhmang leh ECI thupek hrang hrang a an thil hriatthiam loh te zawhna leh chhanna hun hman bawk a ni. He hunah hian Election kaihhnawih a team hrang hrang an tel vek a ni