25/2024-2025 

Dated Saitual the 3rd April, 2023: Nimin khan Saitual DC Conference Hall ah General Election to Lok Sabha 2024 atana Mizoram Parliamentary Constituency  Election Expenditure Observer atana ruat Pu Arvind Sharma, Pi Anita Rinesh leh Police Observer  Pu  K. Satyanarayana te hovin thutkhawmna neih a ni a. He thutkhawmna hi Saitual District Election Officer, Dr Lalngura Tlau chuan kaihruaiin AEO, FST, SST, MCMC, Police leh Election Official pawimawhte an kalkhawm a ni.

He hunah hian Expenditure Observer Pu Arvind Sharma chuan Mizoram chu ram ralmuang tak niin Election pawh felfai takin an hmachhawn tawh thin a, amaherawhchu chuti chung chuan ECI in inkaihhruaina a pek te hi ngai pawimawh a zawm hram hram turin a chah a. Record felfai tak siam a, Election buaipuitute pawh inpawhtlang tak a an thawhho a tul a ni, a ti. Election chu ngaih thutak a engmah a mai mai a kalpui loh a pawimawh thu a sawi bawk.

Pi Anita Rinesh, Expenditure Observer pawh in Election felfai taka neih theih nana ECI ruahmanna hrang hrang cVIGIL App te leh App dang hman dan te chu in zirtir nawn leh a tul hle a ni, a ti a. Training pawh neih ni leh thei se a duhthu a sawi. FST, SST, VST, VVT  leh AEO te pawh an hna chanpual chu tha taka thawk turin a chah bawk.

Police Observer Pu K Satyanarayana pawh in Mizo mipui te chu hmun ralmuang a awm leh mahni in thunun thei tak anni, a ti a. Amaherawhchu mi thenkhat in ruihhlo leh dan phalloh thil thenkhat an tawlh ru thin chu a pawi hle a ni, a ti a. Hemi ven nan hian tan lak a pawimawh lehzual a ni, a ti. EVM leh Strong room ven uluk chu a ngaih pawimawh thu sawiin, fimkhur leh inthlahdah lova venhimna chu kalpui tur a ni, a ti.

He thutkhawmna ah hian zawhna leh chhanna hun pawh hman niin Saitual DC leh SP in District Profile Power Point Presentation pekna hun an hmang bawk. DC office a meeting neih zawh hian Observer te hian Poling station te tlawh in an endik nghal a. Saitual SP Pu Pukhraj Kamal leh Election officials ten an tawiawm a ni.