Nimin khan Mizoram Sawrkar chuan Expert Consultative Committee (ECC) meeting vawi 4-na, Sorkar Laipui-a Ministry of Textiles hnuaia Indian Jute Industries Research Association (IJIRA) in an buatsaih chu a thleng ah, meeting hi Industries Department Director Pu Zothankhuma, IAS in a kaihruai a ni. Manipur, Meghalaya, Mizoram , Nagaland, Tripura Sawrkar aiawhte bakah Chairman, Power Loom Development & Export Promotion Council (PDEXCIL); Director leh IJIRA hotu dangte; Central Silk Board aiawh leh NEDFi aiawhte chu meeting-ah hian an tel a ni.

Meeting chuan Hmarchhak bial atan bikTextiles leh Garment manufacturing policy duan hran a tul tiin IJIRA emaw, PDEXCIL emaw puina in hemi chhungchangah Sorkar laipuia DPR theluh anih theih nan hmalak nise tih an rel a. Hmarchhak bial atan Integrated Skill Development Programme hnuaia thawmhnaw siamna factory hmun tlawh te leh study tour te neih a nih theih nan IJIRA emaw PDEXCIL in hmalak dan zikchhuak se tih an rel bawk a. Silk Mark Organization of India in organic Silk Mark Scheme an duang chhuak meeting chuan lawmawm an ti bawk a ni.