Vawiin khan Agriculture Technology Management Agency (ATMA) Aizawl District bultumin MHIP Run Edenthar-ah a thlawnin ran entirna ‘Free Animal Clinic-cum-Vaccination Camp’ buatsaih a ni a. He Free Clinic hi Pu H. Thankhuma, DAO, Project Director ATMA leh agriculture department hnathawktu ten an hmanpui a. ATMA atangin doctor 5, BTM leh SMS te bakah AH & Vety Department atangin Dr. Lalnghinglova, SDVO (Sadar) hovin doctor 4 leh VFA 2 ten Clinic hi an buaipui a ni. A hmunah hian ui 50 leh rang dang engemawzat an en a.

Group-a insiam in Edenthar YMA Section pathumah bawng, vawk leh ar te a hmuna a kalchilh a en turin an chhuak leh a, nilengin hun an hmang a ni. Veng chhunga ranvulhtu ten tangkai tiin hlawkthlak hle an ti a, ATMA pawhin hlawk an tiin tihfo tlak ah an ngaih thu an sawi bawk a ni.