636/2022-2023

Champhai, the 25th May, 2022: Union Home Ministry leh Mizoram State Home Department thurawn bawhzuiin Deputy Commissioner Champhai-in puak thei thil hmangtu leh zuarchhuaktu Explosive Licence Holder leh NOC nei ten dan ang thlapin, khuahkhirhna felfai tak hnuaiah an hmang/zuar em tih leh  tawlh ruk awm thei te bakah danin a phut anga hma an lak leh lak loh enfiah tura din Joint Team Member-te chuan vawiin khan endikna an nei.

Joint Inspection Team hi Pi Esther Leihang, SDC, Executive Magistrate, Team Leader-in hovin Member-ah SP aiawh, DIPRO leh Area Supervisor, Geology & Mining Department-te an awm a. A bul tan nan hrilhlawk awm lovin explosive licence nei lunglakna quarry 2 leh NOC pek Petroleum & Explosive Safety Organization (PESO) license nei 1 te vawiin khan tlawhin thil hriat duh leh tul angte an zawtfiaha ni. 

Mihring tana hlauhawm thlen thei lo tura khuahkhirh a nih leh nih loh te enfiah a ni a.  Puak thei thilte chu fimkhur taka vil leh enkawl ngai a nih thu te, a nihna tur nilo thil danga hman a rem loh thu leh dan lova ti an awm chuan an chungah hremna lekkawh theih a nih thute an hrilh a. Explosive License Holder leh No Objection Certificate (NOC) neite chu phalna an hmuh leh dil chhan ang zela puak thei an kawlte hmang tur leh dan lova thil tihna kawnga hman a nih lohna tura fimkhur thiam  turin an chah nghal bawk a ni.


Attachment

  • Loading attachment...