Mizoram Entrepreneurship Network (MEN) te chuan Export-Import Bank of India (EXIM Bank) leh Export Credit Guarantee Corporation (ECGC) te nen tanghovin vawiin khan I&PR Conference Hall-ah ‘Seminar on Export Potential of Mizoram’ an buatsaih a. Trade & Commerce Minister Pu Lalrinliana Sailo chuan Seminar hi a hmanpui a, EXIM Bank lehkhabu buatsaih ‘Mizoram : Export potential & Prospects’ tih chu a tlangzarh nghal a ni.
Seminar thuhma sawiin Minister chuan tunlai khawvelah India chu sum leh pai lama thangduang ber pawl ni phahin hei hi a bul ber chu khawvel huapa sumdawnna a kalpui thiam vang a ni a; Mizoram chu ramdang pahnih karcheha awm a nih avangin hetiang sumdawnna thilah pawh hian remchanna thui tak a nei a, chutiang lam hawi zawnga EXIM Bank ten seminar pawimawh tak an rawn buatsaih chu a fuh hle a ni, a ti. Mizoram chuan Agriculture, Horticulture leh Service sector hrang hrangah thawnchhuah khawp nei thei dinhmunah a ding mek a, chumi remchanna siam tur chuan NLUP pawh kalpui tum a ni tiin a hlawhtlin tak tak na tur chuan mimal leh sorkar tha mai bakah financial institution changtlung tak EXIM Bank te ang hi kan mamawh dawn a ni, a ti. Tuna hetiang seminar buatsaih hi kar hmasa lawka sumdawn kawnga Conclave Aizawl-ah nghah a nih leh Bangladesh te nena sumdawnna thuthlung ziak fel tak a nih te nen khan a inrem chho hle nia a ngaihthu Pu Lalrinliana Sailo chuan a sawilang bawk.
Vawiin Seminar hawnna-ah hian Mizoram pawn atanga lo kal mi pawimawh tak tak Pu T.C. Venkat Subramaniam, Chairman & Managing Director, EXIM Bank; Prof. Ashoke K. Dutta, Director, IIM, Shillong, leh Pu S. Srinivas, Director, EXIM Bank ten Seminar kaihhnawih thu tha tak tak an sawi hlawm a. Trade & Commerce Secretary Pi Esther Lalruatkimi pawh a tel ve a. MEN Secretary Pu Joseph L. Ralte-in Seminar chhimtute lawmna thu a sawi bawk. Chawhnu lamah thupui thlan chhuah hrang hrang hmangin Pu David Sinate, General Manager, Exim Bank leh mithiam dangte thuziak leh an hmuhdan te zirho zui nghal a ni.
EXIM Bank hi thil thawnchhuah leh lakluh (Export & Import) kaihhnawiha financial institution hrang hrang khaikhawmtu ber a ni a. Hetiang lama project siam thinte tangkafai leh thil dang chi hrang hrangin a pui thin a ni. Thilsiamna tenau leh thang mek te pawh nasa takin a chhawmdawl thin. Hmarchhak state te tan bik Guwahati-ah hmunpui neiin tunah hian an hnathawh chu helai bial velte chuan an chhawr tangkai mek zel a ni.
Vawiin Seminar hawnna-ah hian Mizoram pawn atanga lo kal mi pawimawh tak tak Pu T.C. Venkat Subramaniam, Chairman & Managing Director, EXIM Bank; Prof. Ashoke K. Dutta, Director, IIM, Shillong, leh Pu S. Srinivas, Director, EXIM Bank ten Seminar kaihhnawih thu tha tak tak an sawi hlawm a. Trade & Commerce Secretary Pi Esther Lalruatkimi pawh a tel ve a. MEN Secretary Pu Joseph L. Ralte-in Seminar chhimtute lawmna thu a sawi bawk. Chawhnu lamah thupui thlan chhuah hrang hrang hmangin Pu David Sinate, General Manager, Exim Bank leh mithiam dangte thuziak leh an hmuhdan te zirho zui nghal a ni.
EXIM Bank hi thil thawnchhuah leh lakluh (Export & Import) kaihhnawiha financial institution hrang hrang khaikhawmtu ber a ni a. Hetiang lama project siam thinte tangkafai leh thil dang chi hrang hrangin a pui thin a ni. Thilsiamna tenau leh thang mek te pawh nasa takin a chhawmdawl thin. Hmarchhak state te tan bik Guwahati-ah hmunpui neiin tunah hian an hnathawh chu helai bial velte chuan an chhawr tangkai mek zel a ni.
