Sorkar laipui Ministry of Information & Broadcasting te chuan hmarchhak state biala chanchinbu leh media te tan hamthatna thar a puang a. Advertisement Policy hman lai Clause 8-naa tarlan angin helai biala tawng chi hrang hranga chanchinbu chhuak te chu khaihlak awm lova thla 6 chhung chhuah a nih chuan Advertisement dawng thei ah ngaih an ni tawh ang a. Clause 13-na in a phut anga copy 2000 chin tih pawh helai bial mite tan chuan Copy 500-ah bithliah a ni ta bawk. Tun dinhmunah chuan hmarchak bial atanga chanchinbu chhuak 96 te chu advertisement dawng thei an ni mek a ni.

Kumin sorkar kum kal mekah hian North East Special Package-II ah Rs.87.95 crores dah a ni a. Hemi atanga Rs.37 crore chu Grants-in-aid atan bithliah niin Rs.50.95 crore chu hmarchhak biala radio leh television tih changtlun nan Prasar Bharti hnenah loan angin pek a ni ve thung ang.