Ni 2 awh North East Traditional Costume Show Vanapa Hall-a neih chu vawiin khan chhunzawma khar nghal a ni a. Deputy Speaker Pu John Rotluangliana chu Khuallian a ni.

 

 

Nimin lama la tel lo Meghalaya an rawn thlen belh tak avangin vawiina he Costume Show ah hian hmarchhak state 5 ten mahni hnam incheina theuh te an pholang a. Khuallian Pu John Rotluangliana chuan thuchah sawiin North East Traditional Costume Show chu hmarchhak state a chengte silhfen hrang hrang pholanna atan chauh ni lovin, a mi chengte inpumkhatna hmanrua atan a tangkai, a ti a. Mahni hnam zia leh tihdan zahpui chu hnam mawl zia, tia sawiin Pu John-a chuan khawvel thiamna sang zelah mahni hnam nunzia leh incheina te vawn nun zel hi thalai te mawhphurhna a ni, a ti bawk.

North East traditional Costume Show hi NEZCC leh Art & Culture department buatsaih a ni a. Pi Lucy Sailo chu choreographer a ni.