Vawiin khan Eye Care Community & Research Centre, Dawrpui leh Chief Medical Officer, Aizawl West district tangkawp buaitsaih World Glaucoma Week hman tan a ni a, Ni 12 atanga Ni 18, March 2019 chhung he Week hi hman tur niin Eye Care Community & Research Centre ten Free Eye check-up an neih tum a MUP member tarmit mamawhte tan he hunah hian a thlawnin tarmit sem chhuahna hun an nei bawk.

Vawiin World Glaucoma Week hmannaah hian Dr R Lalthanga, CMO Aizawl West chu Khuallian a ni a, Pu RK Thanga, IRS (Rtd), President, MUP Headquarter chuan Eye Care Community & Research Centre ten Glaucoma enkawlna khawl (Humphrey Field Analyzer) an lei thar hawnna hun a hmang nghal bawk a ni.

World Glaucoma Week 2019 thupui atan “Beat Invisible Glaucoma” tih a ni a, Eye Care Community & Research Centre, Aizawl a Consultant Opthalmologist Dr KL Remsanga, Chief Consultant leh Dr Laura VL Biakthangi ten Glaucoma leh a kaihhnawih chungchang sawifiahna hun an nei a, MUP member 70 te hnenah tarmit sem chhuah a ni bawk.